លោក ខៀវ ហ៊ាន សមាជិក អចិន្ត្រៃយ៍ ស.ស.យ.ក. ខេត្តបាត់ដំបង និងជាប្រធានក្រុមប្រឹក្សា ស.ស.យ.ក. ចុះជួយស្រុកភ្នំព្រឹកអញ្ជើញជាអធិបតី ក្នុងពិធីចែកវិញ្ញាបនបត្រជំនាយកុំព្យូទ័រដល់សិស្សានុសិស្ស
នារសៀល ថ្ងៃអាទិត្យ ១០រោច ខែអស្សុជ ឆ្នាំរោងឆស័ក ពុទ្ធសករាជ ២៥៦៨
ត្រូវនឹងថ្ងៃទី២៧ ខែតុលា ឆ្នាំ២០២៤ នៅទីស្នាក់ការ ស.ស.យ.ក ស្រុកភ្នំព្រឹក បានរៀបចំពិធីប្រគល់វិញ្ញាបនបត្របញ្ជាក់ការសិក្សាវគ្គ២ ជំនាញកុំព្យូទ័រ ដល់សិស្សានុសិស្សចំនួន៣០នាក់ ក្រោមអធិបតីភាព លោក ខៀវ ហ៊ាន សមាជិក អចិន្ត្រៃយ៍ ស.ស.យ.ក. ខេត្តបាត់ដំបង និងប្រធានក្រុមប្រឹក្សា ស.ស.យ.ក . ស្រុកភ្នំព្រឹក តំណាងដ៍ខ្ពង់ខ្ពស់ ឯកឧត្តម ស រដ្ឋា ប្រធាន ស.ស.យ.ក ខេត្តបាត់ដំបង លោក សុង សុភ័ក្រ្ត អភិបាល នៃគណអភិបាលស្រុក និងជាប្រធានកិត្តិយស ស.ស.យ.ក ស្រុកភ្នំព្រឹក។
ក្នុងពិធីនេះផងដែរមានការអញ្ជើញចូលរួមលោកស្រី មួន គីរី ប្រធាន ស.ស.យ.ក.ស្រុក និងលោក លោកស្រី អនុប្រធាន និងសមាជិក ស.ស.យ.ក. ស្រុកភ្នំព្រឹក ចំនួន៥០នាក់ស្រី១៥នាក់។ លោកស្រី មួន គីរី បានលើកឡើងថា បន្ទាប់ពីបើកវគ្គបណ្ដុះបណ្ដាលមក ឃើញថាសិក្សានុសិស្សបានរៀននិងយកចិត្តទុកដាក់រហូតដល់ចប់ លោកស្រីក៏សំណូមពរបន្ថែមដល់លោក ខៀវ ហ៊ាន សមាជិកចិន្ត្រៃ ស.ស.យ ក .ខេត្តបាត់ដំបង ឲ្យបើកវគ្គទី3 បន្តទៀត ដើម្បីអោយសិស្សានុសិស្សតាមបណ្ដាឃុំផ្សេងៗចូលរៀនបន្តទៀត។
លោកសុង សុភ័ក្រ្ត អភិបាលនៃគណអភិបាលស្រុក និងជាប្រធានកិត្តិយស ស.ស.យ.ក ស្រុកភ្នំព្រឹក បានមានមតិចូលរួមក្នុងពិធីចែកវិញ្ញាបនបត្រផងដែរថា សូមឱ្យក្មួយៗប្អូនៗដែលជាសិស្សានុសិស្សរៀនវគ្គបណ្ដុះបណ្ដាលជំនាញកុំព្យូទ័រនេះខំប្រឹងប្រែងរៀនឲ្យបានភ្ជាប់ខ្ជួននិងយកចិត្តទុកដាក់ ហើយលោកក៏សំណូមពរបន្ថែម សូមឲ្យប្រធានក្រុមការងារ ស.ស.យ.ក.តាមបណ្ដាឃុំទាំងប្រាំបន្តធ្វើសកម្មភាពមនុស្សធម៌បន្តទៀត។
លោក ខៀវ ហ៊ាន សមាជិក អចិន្ត្រៃយ៍ ស.ស.យ.ក. ខេត្តបាត់ដំបង មានមតិសំណេះសំណាល និងពាំនាំការផ្ដាំផ្ញើពីឯកឧត្តម ស រដ្ឋា ប្រធាន ស.ស.យ.ក.ខេត្តបាត់ដំបង និងលោកជំទាវតាំង ណៃគួយ ដល់លោក លោកស្រី ប្រធានអនុប្រធាន និងសមាជិក ស.ស.យ.ក. និងសិក្សានុសិស្សទាំងអស់ផងដែរ។
លោក ខៀវ ហ៊ាន បានបន្តថា លោកបន្តឲ្យមានការបើកបង្រៀនវគ្គទី 3 បន្តទៀតដើម្បីឲ្យសិស្សានុសិស្សបានចូលរៀនបន្ថែមហើយលោកក៏សំណូមពរឲ្យ លោកស្រីប្រធាន មានការផ្សព្វផ្សាយចាប់ពីថ្ងៃនេះតទៅដើម្បីឲ្យសិស្សានុសិស្សដែលមិនបានចូលរៀនក៏ដាក់ពាក្យដើម្បីចូលរៀនវគ្គជំនាញកុំព្យូទ័រនេះ
ដើម្បីចៀសវាងការប្រេីប្រាស់គ្រឿងញៀននិងលេងល្បែងអបាយមុខផ្សេងៗ។
លោកបានបញ្ជាក់ផងដែរថា សិស្សានុសិស្សដែលបានរៀនជំនាញកុំព្យូទ័រនេះចប់ និងទទួលបាន វិញ្ញាបនបត្របញ្ជាក់ការសិក្សមានតម្លៃណាស់ ជាពិសេសគឺមានប្រថាប់ត្រាដោយឯកឧត្តម ស រដ្ឋា ប្រធាន ស.ស.យ.ក ខេត្តបាត់ដំបង និងលោក យី សុងគី ប្រធានមន្ទីរអប់រំខេត្តបាត់ដំបង ។
បន្ទាប់ពីមានមតិសំណេះសំណាលនិងផ្ដាំផ្ញើលោក ខៀវ ហ៊ាន និងលោក សុង សុភ័ក្រ្ត បានចែកវិញ្ញាបនបត្រដល់សិក្សាអនុសិស្សចំនួន 30 នាក់ដើម្បីបញ្ចប់នៅកម្មវិធី។
រសៀល ថ្ងៃអាទិត្យ ទី២៧ ខែតុលា ឆ្នាំ២០២៤ ដដែល លោក ខៀវ ហ៊ាន សមាជិក អចិន្ត្រៃយ៍ ស.ស.យ.ក. ខេត្តបាត់ដំបង លោក សុង សុភ័ក្រ្ត និងក្រុមការងារ ស.ស.យ.ក ស្រុក បាន នាំយកថវិកា ភេសជ្ជៈ សម្ភារ:កីឡា
ចុះជួបសំណេះសំណាលជាមួយក្រុមកីឡាករ បាល់ទាត់ និងកីឡាករប៊ូល ប៉េតង់ ដើម្បីត្រៀមប្រកួតដណ្ដើមពានរង្វាន់របស់សម្ដេចក្រឡាហោម សខេង សម្ភារៈរួមមាន បាល់ទាត់ចំនួន៥ ទឹកសុទ្ធ៤០យួរ ភេសជ្ជៈស្ពន់ស័រ ២កេស ថវិកា សរុបចំនួន ១.៨០០.០០០រៀល (មួយលានប៉ែតសិបម៉ឺនរៀល)ឧបត្ថម្ភដល់ក្រុមកីឡាទាំងពីរ ក្រុម ។
សមាជិកចូលរួមឧបត្ថម្ភមានៈ
-លោក ខៀវ ហ៊ាន ១.០០០.០០០រៀល
-លោក សុង សុភ័ក្រ្ត ៤០០.០០០រៀល
-លោក ងឹម វណ្ណះ ២០០.០០០រៀល
-លោក ពុជ វុទ្ធី ទឹកសុទ្ធ ៤០យួរ ថវិកា ១០០.០០០រៀល
-លោក សុិន លន់ ១០០.០០០រៀល ។
រួចបន្តនាំយក អំណោយរបស់ឯកឧត្តម ស រដ្ឋា និងលោកជំទាវ ប្រគល់ជូនគ្រួសារក្រីក្រ ចំនួន ៥គ្រួសារ ក្នុង១គ្រួសារ ទទួលបាន
អង្ក ២៥គីឡូ មី១កេស ទឹកត្រី១យួរ ទឹកសុីអុីវ១យួរ ត្រីខស្រីបីនាក់ ១ដុំ និងថវិកាចំនួន ៥០.០០០រៀល នៅភូមិភ្នំតូច ឃុំពេជ្រចិន្តា ស្រុភ្នំព្រឹក ខេត្តបាត់ដំបង ។
